Ua toe taliu nei i laufanua o Samoa le kalapu fusu a le Marist Boxing, ina ua mae’a ia le latou auai mai i Niu Sila aua se tasi o ta’amilosaga fusu sa faataunuuina I Hastings.
E to’a ono ia alo sa faigamalaga mai ile kalapu ma sa fa’amanuiaina uma fo’i nei alo e to’a ono i pine auro. Saunoa ia le ta’ita’i ulu o le kalapu fusu ia Tavu’i Mike Lemisio i lona fiafia ma le mitamita ona o le tulaga maoa’e ua ausia e le fanau.
“Muamua viia le Atua maea aso e lua manuia uma fusuaga a le fanau, leai se isi sa faamanualia” sa saunoa ai Tavu’i
“Ono tama fusu ma e ono fo’i pine auro. O se tali lelei lea mo lenei tausaga ma ua toe maua ai fo’i le naunauta’iga e toe omai i le tausaga fou”
Sa saunoa fo’i Tavu’i, o nei alo e to’a ono e i lalo uma o le tausaga e 18. Ma o le to’atolu o i latou ua filifilia nei e fai ma ave fu’a mo Samoa i le Oceania Youth & Junior Competion i Tahiti ile masina fou.
O le auai mai o le kalapu fusu a Marist Samoa I Hastings, o i luga lea o le vala’aulia a le kalapu fusu a le Giants Boxing Hastings Club, ua atoa ai nei le fitu o tausaga o le so’otaga o nei kalapu e lua.
O le mafuaaga o le so’otaga o nei kalapu fusu e lua, ina ia fefa’asoai le malamalama ma nisi fo’i o metotia aua ia le agai luma o le taleni fusu i Samoa ma Niu Sila.
“E 6 vaiaso ma nai aso sa tapena mai ai lenei faamoemoe, ona ia lava le level o le fitness e mafai ai ona fusu mo le 3 taamilosaga i fusuaga faaamateurs” saunoa ai Tavu’i
“Soo se tapenaga lava mo se competition e ao lava ona tapena mo le 8 vaiaso pe sili atu foi, ona o le tulaga tau seleni lea sa tipi ai isi vaiaso e lua ae tapena lava i le 6 vaiaso. Ao lea lava sa maua le malosi faatulagaina o le fanau”
Mo le aga’i i le lumana’i, o lo’o iai le fa’amoemoe a le kalapu fusu a Marist Samoa ina ia fa’ataunu’uina ia nisi o latou ta’amilosaga i Samoa, ma tapena atu mo se latou malaga Amerika.
Marist Samoa Boxing club strikes gold in tour of New Zealand
Marist Samoa Boxing club has returned to Samoa with six gold medals after competing in a weekend boxing tournament in Hastings as part of their New Zealand tour.
The tournament was a collaboration between Marist Samoa Boxing and the Giants Boxing Club of Hastings, who have formed a partnership that dates back seven years.
The relationship was originally formed as a way for the clubs to connect and share their experiences and knowledge to help grow the sport of boxing.
The team consisted of six fighters all under the age of 18, with all six fighters taking home gold medals in their respective bouts. It was a result that club chairman Tavu’i Mike Lemisio was pleased with. .
“Our team (is) made of juniors and youth, and three of them have been selected to represent Samoa next month in Tahiti for Oceania Youth and Junior Competition,” Tavu’i says.
“This boxing competition hosting by Giants Boxing Hasting Club, is an ideal to prepare these young Samoan boxers next month.”
The trip to New Zealand was mainly funded by family members of the fighters with help from a few sponsors.
Tavu’i added that, for a couple of the fighters, it was their first time flying out of the country and that adapting to the cold climate was a challenge. But such obstacles were not enough to hold back the team as they clinched their gold medal streak.
Moving forward, Tavu’i says that the club will head back to Samoa to continue on with their normal schedule of local boxing tournaments. A trip to America is also on the cards with the hope of expanding the fighters’ experience and knowledge.
“Special thanks to my uso Craig McDougall of Giants Boxing Hastings, we appreciated your love and support these many years. You are not of Samoan heritage but your heart described you as a loving person and real Samoan. Faafetai tele lava,” Tavui says.
“To Iona Tusa of IBOX Auckland NZ and Michael Petersen of Cambridge Hamilton Boxing faafetai tele lava usos for your concern and loving to our Marist Boxing Samoa.”
